Peja Siguroi Poziten e Dyte

Basketbollistët e Pejës kanë shënuar fitore në takimin e javës së nëntë, të parafundit, të Mabetex Superligës A, duke mposhtur Trepçën, me rezultat 80:75.
Në këtë mënyrë Peja ka siguruar pozitën e dytë dhe në ndeshjet gjysmëfinale për garat e "play-off"-it do ta ketë përparësinë e terrenit vendës pikërisht ndaj skuadrës mitrovicase. Lojtarët më të dalluar tek Peja ishin Spahiq, me 25 pikë dhe Sovkovski, me 18 pikë, derisa tek Trepça u dalluan Nurkanoviq, me 18 pikë dhe Asllani, me 15 pikë.